Украинските медиуми на социјалните мрежи споделија снимка од руски камиказа дрон како удира во станбена зграда во главниот град на Украина, Кијив.
Најмалку 14 лица, вклучувајќи еден Американец, беа убиени во рускиот напад врз Кијив во текот на ноќта, изјави украинскиот министер за внатрешни работи, Игор Клименко.
Во нападот во украинскиот главен град беа повредени 44 лица. Штети беа предизвикани на станбени згради, образовни институции и критична инфраструктура, напиша Клименко на Телеграм.
Порано, градоначалникот на Кијив, Виталиј Кличко, објави дека еден американски државјанин загинал во нападот. Американецот беше убиен од шрапнели, изјави подоцна Клименко.
Експлозии можеа да се слушнат во Кијив цела ноќ. Масовниот руски напад врз украинскиот главен град се случи во позадина на самитот на Г-7 во Канада.
Ј. Ѓ.
