Претседателот на Србија, Александар Вучиќ, изјави дека Армијата обезбедила речиси целосна пополнетост – над 85 проценти од сите специјални единици, што никогаш порано не било случај, и донесена е одлука да се оди со концептот на дигитална армија, што ќе трае околу пет години.
По седницата на проширениот колегиум на ГШ на српската армија, Вучиќ истакна дека во светот постои ситуација во која правото и правдата одамна престанале да постојат, но повеќе не важат никакви правила.
– Многу е тешко да се разбере, тешко е да се прифати, но мора да разбереме. Фактот дека сте земја-членка на ОН дека вашиот територијален интегритет е загарантиран со Повелбата на ОН, не значи ништо кога станува збор за однесувањето на големите сили, кои брутално ги газат и измислуваат нови принципи кога им се допаѓа, рече Вучиќ.
Тој најави дека речиси 10.000 војници ќе учествуваат на воената парада во септември во Белград.
Претседателот на Србија изјави дека Србија денес не извезува никаква муниција.
„Сега се запревме. Мора да има посебни одлуки ако нешто ќе функционира. Муницијата оди во нашите касарни и во нашите залихи“, рече Вучиќ на седницата на ГШ.
„Ќе ја вратиме и редовната воена служба. Ќе биде се со време“, објави претседателот Александар Вучиќ по седницата на проширениот колегиум на Генералштабот на српската армија.
