Централната изборна комисија на Босна и Херцеговина (ЦИК БиХ) на денешната 39-та седница донесе одлука за одземање на мандатот на претседателот на Република Српска, Милорад Додик, откако беше потврдена конечната пресуда на Судот на Босна и Херцеговина. Одлуката беше едногласно усвоена.
На седницата, членот на ЦИК, Суад Арнаутовиќ, изјави дека станува збор за декларативна одлука бидејќи ќе стане конечна дури откако ќе истече рокот за жалба, што може да потрае еден или два месеци поради документација. Затоа, по одлуката на Апелациониот суд, доколку оваа одлука биде потврдена, тогаш се очекува да се распишат предвремени избори во рок од 90 дена.
ЦИК претходно формално побара доставување на пресудата до Судот на Босна и Херцеговина, бидејќи без официјален документ не може валидно да го започне процесот на одземање на мандатот. По приемот на пресудата, Комисијата има законски рок од максимум 15 дена за постапување, додека за предвремени избори се пропишани рокови до 90 дена од завршувањето на мандатот.
Со оглед на тоа што Додик во неколку наврати навести дека нема да се повлече од функцијата претседател на РС и покрај конечната пресуда, тој го потврди ова со криптична порака на мрежата X во која напиша еден час пред одлуката на ЦИК.
А шта ако одбијем?
— Милорад Додик (@MiloradDodik) August 6, 2025
