Андриј Парубиј, украински политичар кој беше претседател на Врховната рада и одигра истакната улога во револуцијата на Евромајдан, денеска е убиен во Лвив.
Националната полиција претходно соопшти дека еден политичар бил убиен по пукање во западниот украински град. Ирина Херашченко, пратеничка од партијата Европска солидарност, потоа за Кијив Индепендент потврди дека жртвата бил Парубиј.
– Министерот за внатрешни работи Игор Клименко и главниот државен обвинител Руслан Кравченко штотуку ме известија за првите познати околности на страшното убиство во Лвив. Убиен е Андриј Парубиј, соопшти украинскиот претседател Володимир Зеленски на социјалните мрежи и изрази сочувство.
Ukraine’s Minister of Internal Affairs Ihor Klymenko and Prosecutor General Ruslan Kravchenko have just reported the first known circumstances of the horrendous murder in Lviv. Andriy Parubiy was killed. My condolences to his family and loved ones.
All necessary forces and means…
— Volodymyr Zelenskyy / Володимир Зеленський (@ZelenskyyUa) August 30, 2025
– Сите потребни ресурси се вклучени во истрагата и потрагата по убиецот, додаде Зеленски.
Властите примиле повик за итна интервенција околу пладне по пукањето во јужниот градски округ Франкивски во Лвив, соопшти полицијата. Жртвата починала на лице место.
Службените лица не дадоа коментари за можни осомничени или мотивот на злосторството.
