На јужниот тревник на Белата куќа следната година ќе се одржи првиот UFC настан во мешани боречки вештини, објави „Волстрит џурнал“.
Првично борбата беше планирана за 4 јули 2026 година, по повод 250-годишнината на САД, но е поместена за јуни. Настанот ќе биде проследен со повеќедневни фестивали на Националниот мол.
Директорот на UFC, Дана Вајт, минатата недела се сретнал со американскиот претседател Доналд Трамп и добил одобрение за одржување на борбата. „Борбата во Белата куќа е потврдена“, напиша Вајт на социјалните мрежи.
Покрај натпреварите за мажи и жени, ќе има официјални мерења и прес-конференција кај Меморијалот на Линколн.
