Научниците од НАСА соопштија дека роверот Персеверанс можеби открил можен биосигнатур на Марс — доказ што укажува дека на планетата некогаш можело да постои микробен живот. Откритието доаѓа од карпест примерок наречен „Сафирски Кањон“, земен во 2024 година од формација наречена Чејава Водопади, во кратерот Језеро.
Мисијата на Персеверанс открила шема на минерални „пеги“ (наречени „пеги од леопард“) во седиментни карпи, за кои се смета дека биле дел од древно речно корито. Карпите се богати со глина и ситни честички, кои добро чуваат органски материјал. Присутни биле и органски јаглерод, сулфур, оксидиран железо (’рѓа) и фосфор.
„Пегите од леопард“ содржат два минерали богати со железо: вивианит (хидриран железен фосфат) и грејгит (железен сулфид). И двата се поврзани со микробна активност на Земјата, преку реакции во кои микробите користат достапни хемикалии за добивање енергија.
Сепак, НАСА истакнува дека овие минерали може да настанат и преку абиотски (небиолошки) процеси. Но, условите во формацијата Брајт Енџел, каде што бил пронајден примерокот, не покажуваат знаци на високи температури или киселост — што ја зајакнува можноста дека процесите на живот биле вклучени.
Доколку се потврди, ова би било најблискиот доказ досега за постоење на живот на Марс во минатото. Научниците, сепак, потенцираат дека потребни се повеќе податоци за да се утврди дали станува збор за вистински биосигнатур. За таа цел, се користат скали како CoLD за да се процени сигурноста на ваквите тврдења.
Редакција Фронтлајн
