Две лица се убиени, а пет се повредени во престрелка што се случила ноќеска во францускиот град Ница, јави ДПА.
Градоначалникот на Ница, Кристијан Естрози, изјави дека инцидентот е поврзан со криминал со дрога и дека било употребено автоматско оружје.
По инцидентот се мобилизирани полициски засилувања за да се обезбеди безбедноста во тој дел од Ница, познат како проблематична област со насилен криминал.
Според француските медиуми, осомничените се во бегство и полицијата трага по нив.
