Холивудската ѕвезда Сидни Свини, која годинава имаше бурен медиумски период, конечно проговори за контроверзната кампања што ја обележа 2025 – рекламата за марката American Eagle. Во интервју за магазинот People, актерката од „The Housemaid“ детално ја опиша својата страна на приказната и призна дека одлуката да молчи само ја влошила ситуацијата.
Кампања што ја подели јавноста
Кампањата под слоганот „Sydney Sweeney Has Great Jeans“ („Сидни Свини има одлични фармерки“) содржеше игра на зборови со англискиот израз „genes“ (гени). Многумина сметаа дека рекламата има расни конотации, што дополнително се заостри по реакцијата на Доналд Трамп.
Свини вели дека била затечена од интерпретациите кои добиле политички и општествени тонови.
„Искрено бев изненадена од реакцијата. Го прифатив ангажманот затоа што ги сакам фармерките и го сакам брендот. Не ги поддржувам ставовите што некои луѓе решија да ги поврзат со кампањата. Мнозина ми припишаа мотиви и етикети кои едноставно не се вистинити“, изјави актерката.
Брендот American Eagle јавно застана зад неа, наведувајќи дека намерата на кампањата била погрешно интерпретирана.
I have great jeans…now you can too #americaneagle #AEPartner #AEJeans pic.twitter.com/Wc0cwEHeTz
— Sydney Sweeney (@IamSydSweeney) July 23, 2025
„Секогаш сум била против поделби“
Свини додава дека секогаш настојувала да обединува, не да создава конфликти.
„Секој што ме познава знае дека се трудам да ги поврзувам луѓето. Јас сум против омраза и поделби“, изјави таа. „Досега мојот став беше никогаш да не одговарам на негативни или позитивни медиумски написи, но сфатив дека моето молчење во овој случај само ги продлабочи поделбите. Се надевам дека новата година ќе донесе повеќе фокус на тоа што нè обединува, а не што нè одвојува.“
И покрај медиумската бура, кариерата на Свини продолжува да расте. На премиерата на новиот филм „The Housemaid“ повторно го привлече вниманието на јавноста, појавувајќи се заедно со колешката Аманда Сејфрид.
