Со децении, маркетингот на филмови следеше позната формула: црвени килими, интервјуа и внимателно избрани изјави.
Со Marty Supreme, A24 целосно го прекрши тој правилник. Филмот, режиран од Josh Safdie, е спортско-комичен драмски приказ, лабаво инспириран од легендарниот пингпонгар Marty Reisman, а Timothée Chalamet глуми како „млад човек со сон кого никој не го почитува“ додека ја брка својата цел да стане шампион во пинг-понг.
Кампањата успеа затоа што Chalamet не беше само „лицето“ на филмот, тој беше неговиот двигател. Во последните неколку недели, тој предизвика внимание во Холивуд со промоции кои го кршат традиционалниот маркетинг-плејбук. Тој е секаде: објавува, дава тизери, се појавува облечен во препознатливата портокалова боја на филмот, јавно се спомнува како кандидат за Најдобар актер и практично се претвора во „жив билборд“.
Еден од првите вирални моменти беше 18-минутниот пародичен Zoom-состанок, прикажано како маркетинг-состанок на A24. Во него, Chalamet предлага се поапсурдни идеи – да паѓаат топчиња за пинг-понг од небото, да се бојадисуваат знаменитости во портокалова боја, разлевајќи ја границата меѓу сатиричен и вистински промотивен потег.
View this post on Instagram
Наместо класични билборди, Marty Supreme буквално се подигна во воздух. Огромен портокалов балон со името на филмот лебдеше над Лос Анџелес.
View this post on Instagram
Потоа следеа јакните. Ретро Marty Supreme спортски јакни беа пуштени на пазарот и брзо станаа најпрепознатливиот симбол на кампањата. Тие ги носеа познати личности и имиња поврзани во спортот, музиката и културата, а поп-ап продавниците предизвикаа долги редици и хаос. Цените на препродажба експлодираа, а јакната стана културен знак.
Во текот на кампањата, Chalamet често се појавуваше опкружен со мажи кои носат огромни портокалови шлемови во форма на топчиња за пинг-понг, визуелно необично и препознатливо.
Актерот го однесе промотивниот потег до нови височини со спектакл снимен во Sphere во Лас Вегас, каде масивната сцена беше придружена со темата на Чикаго Булс, додека Chalamet со радост врескаше и славеше.
View this post on Instagram
Прес-турнејата предизвика полемика на интернет. Додека многумина ја пофалија креативноста и самодовербата на кампањата, други што ја сметаат за прекумерна самоувереност – критикуваа. Реакциите на социјалните мрежи се поделени.
Во едно многу споделено интервју, Chalamet го опиша Marty Supreme како своето најсилно издание досега, додавајќи дека го следат „најдобрите изведби“ кои ги дал во последните „седум, осум години“.
Контроверзијата се зголеми по појавувањето на Good Morning America, каде дел од неговите изјави беа толкувани како имплицитна предвидување за награди. „Сакам филмот да успее. Сакам сè да победи,“ рече Chalamet, додавајќи дека е уверен во тоа што филмот ќе стане до следното лето. Корисници на социјални мрежи шпекулираа дека коментарите покажуваат амбиции за Оскар.
И покрај мешаниот прием, Chalamet ја бранеше својата стратегија. Во интервју за IndieWire, тој изјави дека прес-турнејата ја одразува самата суштина на филмот. „Ова е во духот на Marty,“ објасни тој. „Ова е оригинален филм во време кога оригинални филмови речиси и не се прават. Филм е за потрага по сон. Ја давам сета енергија, се обидувам ова да стигне до што е можно повече публика“.
Ограниченото кино-деби се покажа како полн погодок. Marty Supreme стартуваше во само шест кина, но салите беа преполни – доволно за филмот да заработи околу 875.000 долари за еден викенд. Со просек од речиси 146.000 долари по екран, филмот постави нов рекорд за А24 и го оствари најсилниот платформски старт уште од La La Land.
Додека датумот на светската премиера сè уште не е објавен, филмот ќе има премиера во САД на 25 декември, а набљудувачите на филмската индустрија внимателно следат дали раниот моментум на филмот и самодовербата на неговата ѕвезда што ги наполни насловните страници, ќе се преточат во одржлив успех на бокс-офисот и признанија во сезоната на награди.
Редакција Фронтлајн
