Американскиот претседател Доналд Трамп повторно се закани со можноста САД да го преземат Гренланд, изјавувајќи дека тоа може да се случи „на полесен или на потежок начин“, без разлика на ставот на Данска.
Одговарајќи на новинарски прашања за време на состанок со директори на големи нафтени компании, Трамп рече дека засега не зборува за конкретна сума што би ѝ ја понудил на Данска за Гренланд, но не ја исклучи можноста за разговори на таа тема.
Според него, клучниот мотив е безбедносен.
Trump: “We are going to do something on Greenland whether they like it or not because if we don’t, Russia or China will take over Greenland. If we don’t do it the easy way we’re gonna do it the hard way.” pic.twitter.com/Pb29UqBzCC
— Aaron Rupar (@atrupar) January 9, 2026
„Во моментов ќе преземеме нешто околу Гренланд, сакале тие или не, бидејќи ако ние не го направиме тоа, Русија или Кина ќе го преземат Гренланд. А ние нема да имаме Русија или Кина за сосед“, изјави Трамп.
Тој додаде дека преферира решението да биде постигнато преку договор, но остави отворена и можноста за поостар пристап.
„Би сакал ова да се реши со договор, знаете, на полесен начин. Но ако не го направиме тоа на полесен начин, ќе го направиме на потежок начин“, порача американскиот претседател.
