На 83-тото доделување на наградите Златен Глобус, одржано во Лос Анџелес, филмската и телевизиската индустрија испрати јасна порака – 2025 беше година на смели авторски визии, политички набиени приказни и силни актерски изведби. Апсолутни победници на вечерта беа филмот One Battle After Another и мини-серијата Adolescence, кои освоија повеќе клучни признанија.
Филм – главни категории
За најдобар филм – драма беше прогласен Hamnet, интимна и емотивна адаптација што доминираше и во актерските категории.
Наградата за најдобар филм – мјузикл или комедија ја освои One Battle After Another, контракултурна сатира во режија на Пол Томас Андерсон.
Признанието за најдобар актер во драма му припадна на Вагнер Моура за улогата во The Secret Agent, додека Џеси Бакли беше прогласена за најдобра актерка во драма за моќната изведба во Hamnet.
Во категориите мјузикл/комедија, Тимоти Шаламе победи како најдобар актер за Marty Supreme, а Роуз Бирн ја освои наградата за најдобра актерка за If I Had Legs I’d Kick You.
Во споредните улоги, Стелан Скарсгард победи како најдобар спореден актер за Sentimental Value, а Тејана Тејлор како најдобра споредна актерка за One Battle After Another.
Андерсон беше двоен победник и во авторските категории – најдобар режисер и најдобро сценарио, исто така за One Battle After Another.
Наградата за најдобра оригинална музика ја доби Лудвиг Герансон за Sinners, кој истовремено беше прогласен и за Cinematic and Box Office Achievement.
Во анимираната конкуренција победи KPop Demon Hunters, кој ја освои и наградата за најдобра оригинална песна („Golden“), додека The Secret Agent беше прогласен за најдобар филм на странски јазик.
Телевизија – серијали и актерски признанија
Во ТВ-категориите, The Pitt победи како најдобра драмска серија, со признанија за Ноа Вајл (најдобар актер – драма) и Рија Сихорн (најдобра актерка – драма).
За најдобра ТВ серија – комедија или мјузикл беше прогласена The Studio, со награда и за Сет Роген како најдобар актер, додека Џин Смарт победи за Hacks.
Апсолутен ТВ-победник е Adolescence, прогласена за најдобра мини-серија, со актерски награди за Стивен Греам (најдобар актер), Овен Купер (споредна машка улога) и Ерин Доерти (споредна женска улога). Овен Купер, на 16-годишна возраст стана најмладиот добитник на Златен глобус за најдобар спореден глумец.
Наградата за најдобра актерка во мини-серија или ТВ-филм ја освои Мишел Вилијамс за Dying for Sex.
Други признанија
За најдобар стендап настап на телевизија победи Рики Џервејс со Mortality, а наградата за најдобар подкаст ја доби Good Hang with Amy Poehler.
Со помалку директна политичка реторика, но со јасна општествена тежина во изборот на победниците, Golden Globes 2026 ја потврдија насоката на индустријата – ангажиран филм и телевизија што не бегаат од тешките теми.
Целата листа на победници:
Најдобар филм – Драма: Хамнет
Најдобар филм – Мјузикл или Комедија: One Battle After Another
Најдобра актерка во филм – Драма: Џеси Бакли – Hamnet
Најдобар глумец во филм – Драма: Вагнер Моура – The Secret Agent
Најдобра актерка во филм – Мјузикл или Комедија: Роуз Бирн – If I Had Legs I’d Kick You
Најдобар глумец во филм – Мјузикл или Комедија: Тимоти Шаламе – Marty Supreme
Најдобра споредна глумец во филм: Тејана Тејлор – One Battle After Another
Најдобар спореден глумец во филм: Стелан Скарсгард – Sentimental Value
Најдобар режисер: Пол Томас Андерсон – One Battle After Another
Најдобро сценарио: Пол Томас Андерсон – One Battle After Another
Најдобар анимиран филм: Демон Слејер: Киместу Но Јаиба – Замокот на бесконечноста
Најдобар филм од странски јазик: The Secret Agent
Најдобра оригинална музика: Лудвиг Герансон – Sinners
Најдобра оригинална песна: “Golden” – KPop Demon Hunters
Киноатографски и бокс-офисни достигнувања: Sinners
Најдобра ТВ серија – Драма: The Pitt
Најдобра ТВ серија – Мјузикл или комедија: The Studio
Најдобра ограничена или антологиска серија: Adolescence
Најдобра актерка во ТВ серија – Драма: Rhea Seehorn – Pluribus
Најдобар глумец во ТВ серија – Драма: Noah Wyle – The Pitt
Најдобра актерка во ТВ серија – Мјузикл или комедија: Jean Smart – Hacks
Најдобар глумец во ТВ серија – Мјузикл или комедија: Seth Rogen – The Studio
Најдобра актерка во ограничена или антологиска серија: Michelle Williams – Dying for Sex
Најдобар глумец во ограничена или антологиска серија: Stephen Graham – Adolescence
Најдобра споредна глумец на телевизија: Erin Doherty – Adolescence
Најдобар спореден глумец на телевизија: Owen Cooper – Adolescence
Најдобра стендап изведба: Ricky Gervais – Ricky Gervais: Mortality
Најдобар подкаст: Good Hang With Amy Poehler
Награда Cecil B. DeMille: Helen Mirren
Награда Carol Burnett: Sarah Jessica Parker
Редакција Фронтлајн
