Делови од општина Центар денеска, 27 февруари 2026 година, ќе бидат без електрична енергија поради планирани технички интервенции на електродистрибутивната мрежа, информираат од ЕВН Македонија.
Прекинот ќе трае повеќе часови и ќе ги опфати корисниците на улицата Никола Тримпаре број 15, дел од улицата Мирослав Крлежа од број 16 до 20, како и објекти и влезови на булевар Климент Охридски број 54. Без електрична енергија ќе останат и делови од улицата Мирослав Крлежа на броевите 52, 54, 56, 58, 60 и 62.
Од ЕВН посочуваат дека станува збор за редовни активности за реконструкција и модернизација на мрежата, со цел подобрување на сигурноста и стабилноста на снабдувањето со електрична енергија.
Екипите ќе работат на терен за зафатите да бидат завршени во предвидениот рок, по што снабдувањето ќе биде повторно воспоставено.
