Петар Маѓар, упати остра порака до поранешниот македонски премиер Никола Груевски, најавувајќи радикална промена во политиката на азил. Маѓар во својот последен јавен настап беше дециден дека Унгарија под негово водство ќе престане да ги штити странските политичари со криминално досие.
„Унгарија нема да биде засолниште за меѓународни криминалци. И тоа не важи само за нив, туку и за г-дин Никола Груевски, поранешниот македонски премиер, кој исто така е осуденик“, изјави Петер Маѓар во разговар со новинарите еден ден откако убедливо го победи Виктор Орбан, на изборите во Унгарија, во видео објавено од Ројтерс.
„Не купувајте мебел, нема да останете долго“
Во својот препознатлив стил, Маѓар со доза на иронија им порача на политичките бегалци кои во моментов уживаат заштита од владата на Виктор Орбан, вклучувајќи ги и полските политичари Жигров и Романовски, дека нивниот престој во Унгарија е привремен.
Маѓар нагласи дека во духот на европската соработка, сите лица со правосилни пресуди ќе бидат екстрадирани во нивните матични земји.
Тој очекува истиот принцип да важи и за евентуалните унгарски политичари кои би се обиделе да побегнат од правдата во странство.
Крај на „рајот за бегалци од правдата“
Оваа изјава доаѓа во време на засилени дебати во унгарската јавност за злоупотреба на институциите за пружање засолниште на сојузниците на Орбан. Маѓар потенцираше дека е неопходно овие лица „да се вратат дома и да се соочат со народот“ за да ги исчистат своите имиња од обвинувањата пред независен правосуден систем.
За случајот на Груевски, кој доби политички азил во Будимпешта во 2018 година за да избегне затворска казна во Северна Македонија, и за Жигров и Романовски, Маѓар е јасен: „Ќе најдеме начин да ги екстрадираме“.
Редакција Фронтлајн
Прочитајте и…
ЕКСКЛУЗИВНИ видео снимки на Фронтлајн од Будимпешта: Унгарците го слават падот на Орбан
