Пекинг е подготвен да возврати удар врз Европската Унија доколку донесе закон со кој ги исклучува кинеските бизниси од единствениот пазар, изјави висок трговски претставник, објави бриселски Политико.
Сè посилната тенденција да се изгради единствена индустриска политика на Европа го провоцира Пекинг, кој, пак, цврсто се држи до политики на државна интервенција дома. Во ретко јавно претставување, на прес-конференција во кинеската амбасада во Брисел во среда, официјалните лица се изјаснија против предложените правила на ЕУ што би им забраниле на кинеските фирми да конкурираат за јавни договори или да опремуваат критични мрежи.
„Доколку европската страна инсистира на усвојување на овие предлози и се однесува кон кинеските компании на дискриминаторски начин, Кина ќе мора да преземе контрамерки“, рече Суо Пенг, министерка за трговија во кинеската мисија во ЕУ. „Се надеваме дека страната на ЕУ нема да ја потцени цврстата решителност на Кина да ги заштити нашите национални интереси“.
Пекинг се заканува со контрамерки доколку ЕУ усвои регулативи кои ги ограничуваат кинеските компании на европскиот пазар, особено преку предложениот „Закон за индустриски акцелератор“. Кинескиот министер за трговија во ЕУ, Суо Пенг, истакна дека Пекинг ќе ги штити своите национални интереси, додека функционери на ЕУ, невознемирени од заканите, сметаат дека политиките се оправдани.
Д. Е.
