„Она што е надвор од рамките на законот за попис е предмет на методологијата, стручна работа. Граѓаните за да бидат сигурни дека ние како институција нема да подлегнеме под било какви политички притисоци и да креираме или нечии желби да задоволуваме, ние методологијата ќе ја направиме јавен документ. За прв пат ќе биде објавена во Службен весник и ќе може да види што пишува, кои се стандардите и што ние мора да испочитуваме. Има казни за лажни податоци, не давање податоци, има казни за притисок од друг аспект . Ако некој политички субјект јавно наложи на граѓаните да постапуваат надвор од правилата што се во законот. Ние ќе бидеме задоволни и среќни сите политичи субјекти да дадат поддршка на пописот, но не и да се врши притисок. Првиот што ќе даде лажни податоци или ќе бојкотира ќе добие кривична пријава“, изјави Апостол Симовски, првиот човек на Државниот завод за статистика, во емисијата „Стадион“ на Канал 77.
Симовски потенцираше дека сие граѓани што се присутни во државата или отсутни од неа ќе се попишуваат. Втора категорија што ќе се попишува се странски државјани што немаат макендонско државјанство, а се присутни во државата и трета категорија се лица кои немаат документи, а се присутни во државата. Сите овие категории се детално опишани во методологијата, вели Симовски, која ќе биде достапна за јавноста.
Симовски најави дека по пописот се планира да се воспостави таканаречен Статистички регистар на население наменет само за статистички цели.
