Министерството за внатрешни работи информира дека денеска се приведени вкупно четири лица за случајот „Јавна соба“.
Тие велат дека од приведените лица две се од Битола, еден од Велес и еден од Штип, а се работи за директни учесници во групата Јавна соба на платформата Телеграм.
„Се работи на откривање и на тој кој ја креирал ваквата група и кои се биле членови. Секој еден кој се наоѓа во групата ќе се истражи и ќе понесе кривична одговорност“, додаваат од МВР.
