Попладневен преглед: МВР почна да апси, креирана нова група „Јавна соба“, 336 новорегистрирани ковид случаи и 10 починати...

Денеска се регистрирани 336 нови случаи на Ковид 19, починати се 10 лицa. Вкупната бројка на ковид дијагностицирани во нашата земја од почетокот на епидемијата изнесува 91.891, бројката на оздравени пациенти е 80.393, на починати е 2.831, а бројот на активни случаи изнесува 8.667.

Маричиќ: Случајот „Јавна соба“ ќе биде катализатор за побрза измена на законите и за подигнување на јавната свест. Министерството за правда ги изработи измените на Кривичниот законик со кои се обезбедува значително поголема заштита на жртвите, како оние од „Јавна соба“. Измените се во согласност со Истанбулската конвенција и опфаќаат широк спектар на случаи кога жртви на сексуално, психичко и физичко насилство се жените, напиша министерот Маричиќ на Фејсбук.

Приведени четири лица кои се директни учесници во „Јавна соба“, потврди МВР. Се работи на откривање и на тој кој ја креирал ваквата група и кои се биле членови. Секој еден кој се наоѓа во групата ќе се истражи и ќе понесе кривична одговорност, додаваат од МВР.

Шекеринска: Јас сум за НАТО, многу од ВМРО-ДПМНЕ беа против. Претпоставувам дека ВМРО-ДПМНЕ очекува од мене оставка. Пред да бидам избрана сте ја чекале оставката. За што да ја дадам оставката, дека влеговме во НАТО, изјави попладнево министерката за одбрана Радмила Шекеринска на собраниската седница за пратенички прашања.

Царовска: Заедно со компаниите создаваме квалификуван кадар и обезбедуваме вработување на младите. МОН ја зајакнува соработката со Стопанските комори и со компаниите и локалните самоуправи со цел преку отворање на нови профили да одговориме на потребите на реалниот сектор, но и да придонесеме за поголема вработливост на младите, рече Царовска.

Угостителите не прифаќаат средба без Битиќи, бараат присуство на состанокот со стопанските комори. Како што соопшти денеска претседателот на Независната угостителска комора (НУК), Здравко Јосифовски, претставниците на угостителите не сакаат само да се сликаат и да бидат нечиј декор, односно да присуствуваат на средба на која ќе се зборува за нешто што е веќе дефинирано.

Неблагодарно е да се коментираат состојбите во „Монструм“, вели Јовески. Моето коментирање на определени докази, факти, околности во врска со конкретниот предмет може да значи влијание врз независната власт, врз судската власт, рече Јовески, одговарајќи на пратеничко прашање за случајот „Монструм“ од Љупчо Пренџов од ВМРО-ДПМНЕ.

Ризик факторите на преголемата изложеност на порнографија кај младите. Важно е родителите и старателите да можат да иницираат отворени разговори за искуствата на нивното дете преку Интернет. Училиштата, исто така, треба да играат важна улога во помагањето на децата и младите да ја разберат нивната изложеност на порнографија преку интернет на здрави начини.

Белгија ги забранува сите протести против рестриктивните мерки. Повеќе иницијативи се појавија на социјалните мрежи, откако слични протести се одржаа во соседна Холандија и доведоа до немири.

И. Т. З.

Попладневен преглед: МВР почна да апси, креирана нова група „Јавна соба“, 336 новорегистрирани ковид случаи и 10 починати…

НАЈНОВО

Земјава има висока стапка на невработеност и сѐ поголем недостиг на работна сила, ССМ бара повисоки плати

Архитектонскиот факултет Скопје одбележува 75 годишен јубилеј

Украински пратеник го номинираше Доналд Трамп за Нобеловата награда за мир

НАЈЧИТАНО

Николовски за Фронтлајн: Ја критикуваа визијата на СДСМ за поголема промоција на македонското вино, а сега Мицкоски се горде со нашиот проект

Омилениот нискобуџетен филм на Тарантино

Аналитичари: СДСМ ќе мора „идеолошки“ повеќе да мисли на граѓанинот

Вози нè Мицко!

Историската величина на Мицковиот кредит