Тетовската полиција вчера ги засили сообраќајните контроли на булеварот „Видое Смилевски-Бато“, познат како „Индустриска“ улица во Тетово, при што се изречени 18 казни.
За само неколку часа во текот на вчерашниот ден, полициските тимови изрекоа 18 мерки за пречекорена брзина со 30 километри над дозволената брзина, и имало и такви кои возеле дури и 50 километри над дозволената брзина, информира портпаролот Марјан Јосифоски.
И во средата, тетовската полиција при контрола на брзината со која возат тетовчани, откри и санкционира осум возила кои ја пречекориле максимално дозволената брзина на оваа улица. И во наредниот период се предвидени вакви контроли на булеварот. До засилените контроли доаѓа по барање на граѓаните, откако шестгодишно девојче го изгуби животот како пешак на 13 јануари. Во понеделникот се одржа и протест.
А. Зеќири
