„Деновиве ги ископав веб-страниците на бугарските општини и доволно е да се погледне објавениот список на избирачи за да се најдат многу интересни имиња, сите луѓе од Северна Македонија, кои стекнаа бугарско државјанство врз основа на декларираното бугарско потекло и се идентификуваа како етнички Бугари.“, објави на Фејсбук бугарскиот министер за одбрана Красимир Каракачанов.
Повеќе од 120.000 граѓани на Република Северна Македонија во својство на бугарски граѓани ќе имаат право на глас на претстојните парламентарни избори. Избирачките списоци, во кои се запишани сите бугарски граѓани, се информации од јавен карактер и секоја бугарска општина е обврзана со закон да ги објави, физички и на Интернет, сите оние кои имаат право на глас – живеат на нејзина територија, пишува Каракачанов.
Над 120 000 граждани на Република Северна Македония в качеството си и на български граждани ще имат право да гласуват на…
Posted by Красимир Каракачанов on Wednesday, March 10, 2021
Каракачанов во објавата наведува имиња и додава дека секое совпаѓање на имиња со луѓе кои имаат водечки политички и јавни функции во Македонија може да биде и случајно.
Меѓу случајните имиња на кои наидов пишува Каракачанов се , на пример:
Александар Николоски – запишан во областа Средец – Софија,
Антонио Милошоски – запишан во областа Вазараждане – Софија,
Александар Пандов – Средец,
Никола Мицевски – во Ќустендил
Стефан Андоновски – Ќустендил
Марија Андоновска – Благоевград,
Љупчо Димовски – Ќустендил
Бојан Стојановски – Благоевград,
Иван Јорданов – Ќустендил
Игор Здравковски – Ќустендил
Марија Петрушевска – Средец,
Дајанчо Ефтимов – Благоевград,
Здравко Трајанов – Благоевград,
Петар Богојески – Обориште,
Филип Петровски – Средец,
Стевица Јанева – Петрич,
Тало Груевски – Благоевград.
„Ако овие луѓе се оние на кои мислиме, се надевам дека и тоа е во ред. Сакам да верувам дека повеќе не е кривично дело против „македонската чест“ ако македонски политичар, јавна личност или близок роднина се изјасни слободно и како етнички Бугарин без да биде навреден, или исмеван заради тоа. Знам дека на многумина не им е лесно јавно да се откриваат и јавно да се декларираат како Бугари, но знам и затоа што некои од нив ги познавам лично, дека тајно ја сакаат Мајка Бугарија и сонуваат, како што рече големиот водач на ИМРО Тодор Александров, „обединување на целото бугарско племе“. Освен право на глас, сите овие „истакнати“ македонски Бугари, како и другите над 120.000 бугарски државјани во Македонија, имаат право на бесплатна вакцинација против КОВИД-19, како и еднаков пристап до здравствениот систем на Бугарија и целата ЕУ. Ова е вистинска солидарност на татковината Бугарија кон нејзините бројни граѓани – Бугари кои живеат и во Македонија и низ целиот свет.„, се наведува во објавата од Каракачанов.
J. Ѓ.
