Петар Богојески од Македониски концепт ги отфрла како невистини изнесените наводи од бугарскиот вицепремиер Красимир Каракачанов дека Богојески има бугарски пасош, реагираат од Македонски концепт.
„Каракачанов веќе ја преминува црвената линија. Со овие удбашки методи на црнење на моето име ништо нема да постигнеш, напротив уште повеќе ме мотивираш да ве направам турска туршија или да ве растурам како бугарска скупштина”, изјави Богојески.
Нападот против Богојески започна со лаги дека е кадар на каракачанов во Македонија и дека е финансиран токму од него, потоа продолжи со невистини дека Каракачанов го школувал Богојески во Бугарија и му давал стипендија, па повторно лаги за фиктивна средба на Пироска 5 и престој на петар Богојески во апартманите на Каракачанов, лаги и манипулации дека има Бугарски пасош уште од 2002 година, за да денес дознаеме од истиот Каракачанов дека Богојески има пасош на Обориште.
„Дај еднаш договорете се бугарските болшевици помеѓу себе, кои лаги ќе ги ширите за мене, вака ептен е непријатно да бидете цело време фаќани во лага! Целата пропаганда во Македонија ви е базирана на лаги, на фалсификувани документи, фалсификувани докази, затоа и ништо не ви поминува. И нема да ви помине”, додава Богојески.
Богојески го повика Каракачанов да потврди дека навистина е тој споменатото лице Петар Богојески, и во тој случај ако се потврди за точно да му додели бугарски пасош по брза постапка, во спротивно ќе отпочне судска постапка каде Каракачанов ќе треба да ги докаже сите лаги и клевети изнесени за Богојески.
„Ако ми дадеш пасош следните денови и ме внесеш во избирачки список, за жал нема да гладам за ниту една болшевичка опција во која за жал си и ти, а ќе гласам за вистински европски политичари во Бугарија, кои знаат што значи проширување на ЕУ на Балкан”, заклучи Богојески.
Денеска вицепремиерот и министер за одбрана на Бугарија, Красимеир Каракачанов на Фејсабук објави список од „истакнати“ имиња од С. Македонија, што имаат бугарски пасош врз основа на декларирано бугарско потекло и се идентификуваа како етнички Бугари.
Каракачанов во објавата ги издвојува имињата: Александар Николоски, Антонио Милошоски, Александар Пандов, Никола Мицевски, Петар Богојески, Филип Петровски и други.
Демант стигна и од ВМРО ДПМНЕ.
Според ВМРО-ДПМНЕ, денешната објава на Каракачанов е класична лажна вест и дека ниту еден од посочените функционери на партијата немаат бугарски пасош.
Ј. Ѓ.
