Американскиот претседател Џо Бајден не жали што својот руски колега Владимир Путин го нарече убиец, изјави денеска неговата портпаролка Џен Псаки.
-Не, претседателот одговори директно на директно прашање, рече Псаки, запрашана дали Бајден можеби жали за дадената изјава.
Во интервју за американската телевизија Еј-Би-Си, Бајден рече дека Путин „ќе плати за своите злосторства“ и одговори потврдно на новинарско прашање дали смета дека рускиот претседател е „убиец“.
Москва веднаш го повлече својот амбасадор во САД на консултации, по коментарите на Бајден за рускиот претседател. /МИА/
