Пладневен преглед: ВМРО-ДПМНЕ требаше лустрацијата да ја наречат „Пресметка“, вели Заев, минималната плата за март ќе се зголеми за околу 400 денари и ќе изнесува 15.400 денари...

Заев за словенечко „Дело”: ВМРО -ДПМНЕ лустрацијата ја претворија во алатка за справување со политичките неистомисленици, требаше да ја наречат „Пресметка”. Заев дополнува дека потоа следуваше и поништувањето на одлуките на Управниот суд, но дека веќе биле направени сериозни штети за луѓето и за нивната приватност и углед во сериозни димензии.

Заев за „Дело“: Сојузници на лагата се оние кои со дезинформациите се противници на транспарентноста и медиумската писменост. Заев нагласува дека колку повеќе општеството е поотворено и поотчетно, и колку повеќе се вложува во медиумската писменост, толку побрзо, подобро и поефикасно е справувањето со дезинформаторите.

Приведени синовите на Дилавер Бојку – убиен 2017 година, познат по нелегална проституција. Полициски службеници од Секторот за меѓународна полициска соработка-Отсек за потрага во соработка со ОСОСК и Специјалната антитерористичка единица „Тигар“ вчера во 21 часот и 45 минути на патот Струга-Дебар, пред селото Велешта го лишија од слобода Е.Б. (35), кој се барал со потерници од Основен суд Струга, соопшти денеска МВР.

Владата фокусирана на спроведување безбеден попис, опозицијата бара да се одложи. Според надлежните, пописот е неопходен и е од највисок интерес за државата. Како што изјави Арсовски, методологијата е дефинирана според сите стандарди на ОН и на Евростат и гарантира успешност.

Минималната плата за март ќе се зголеми за околу 400 денари и ќе изнесува 15.400 денари. Ваквото зголемување доаѓа како резултат на усогласувањето и порастот на просечната плата, која и покрај кризата, статистиката пресмета дека се зголемила за 8,8%, како и порастот на трошоците. Но негативниот БДП лани, не дозволува повисок раст на минималецот. А токму тоа го бараат синдикатите. Да нема работник во државата кој ќе зема плата под 16.000 денари.

Засега нема потреба од нови рестрикции, в понеделник ќе се разгледува состојбата. За учениците од прво до трето одделение дали се планира да ја следат наставата онлајн, генерално рече дека тоа не се однесува за територијата на целата држава и за сите училишта.

Јовановиќ: Да го потсетиме Милчин-а! Заев е првиот премиер што искрено се залага за политика на мир и пријателство со сите (Груевски пепел стори внатре во државата, пепел стори надвор од државата); Милчин овие работи ги знае, од кои причини “рибари по душата на Заев” јас знам, ама тоа што го знам, не е важно за никого.

Бил Гејтс: Ќе беше уште полошо ако не потрошев две милијарди долари на вакцини, на есен, сè ќе биде понормално.

(ВИДЕО) Исланд го запре воздушниот сообраќај поради вулканска ерупција

Почнува пролетта.

И. Т. З.

МВР - 13 прекршувања на забраната за движење, 513 санкции за неносење маска

Најново

Проекција на пет кратки филма од македонски уметници во рамките на проектот „Жените и уметноста“

Филипче прашува за скриени 350 милиони евра, Мицкоски возвраќа дека СДСМ покажува економско непознавање

Архитектот на британската AI-стратегија премина во Anthropic, се отвори прашање за конфликт на интереси

Угледната француска издавачка куќа „Галимар“ го објави првиот роман на писателката Румена Бужаровска, „Тони“

Николоски: Градскиот воз е реалност, огромна предност за учениците, студентите, пензиониерите и за сите граѓани

НАЈЧИТАНО

До каде се реакциите на ВМРО-ДПМНЕ и ЗНАМ за четничкото дивеење на ДПСМ?

Мицкоски: Јовановиќ призна дека Владата на СДСМ и ДУИ остави долг за кој денеска плаќаме камати

Фотографски записи од центарот на Скопје

ЦИВИЛ бара разрешувања и законска одговорност за величањето на Младиќ: Нема помирување без правда

Од празни селски училишта до преполни градски училници: Новата реалност на образованието