Разговорот Заев – Борисов потврда дека низ комуникација и зачестени контакти може да се дојде до решение, порача Арсовски. На новинарско прашање дали за Владата не претставува мешање во внатрешните работи на други земји ставот на шефот на дипломатијата Бујар Османи, со кој на Бугарија и даде поддршка во т.н. шпионска афера со Русија, Арсовски рече дека Владата секогаш ќе дава поддршка на суверенитетот на секоја држава.
Денеска се регистрирани 457 нови случаи на Ковид 19. Пријавени се вкупно 30 починати лица, на возраст од 50 – 84 година и тоа: 8 пациенти од Скопје, од Прилеп – 6, од Битола и Охрид – по 3 починати, од Кочани и Демир Капија – по 2 и по едно починато лице е пријавено од Куманово, Тетово, Велес, Струга, Неготино, и Радовиш. Сите пријавени се починати во болнички услови.
Арсовски: Одложувањето на пописот не е опција. Ова е широка операција која се работи месеци наназад преземени се сите мерки, ангажирани се сите капацитети во државата. Веќе неколкупати рековме дека сите највисоки стандарди ќе бидат запазени и во целосост ќе бидат заштитени и попишувачите и оние кои треба да бидат попишани, рече денеска владиниот портпарол Душко Арсовски.
Пописот се спроведува и ќе се спроведе целосно безбедно, по сите стандарди без застој. Во последното деноноќие се попишани повеќе од 20 илјади граѓани, државјани на Република Северна Македонија кои живеат и престојуваат во странство, со што вкупната бројка на оние кои се самопопишале до утринава во 9 часот е 121.580 лица, соопшти денеска на прес-конференција Јасмина Ѓоргиева од Државниот завод за статистика (ДЗС).
Обвинителството во случајот „Трезор” предложи конфискација на имот. Покрај ова побарување, обвинителот од Судот побара обвинетиот Сашо Мијалков да го задолжи да надомести износ од 11 милиони денари, Горан Грујоски 11 милиони денари, Небојша Станковиќ 6 милиони денари и обвинетито Тони Јакимовски 7 милиони денари.
Пресудата за убиството на Ангел ќе биде објавена на 26 март. Кражбата на велосипедот не е иницијална каписла за случување на овој настан, туку е однесувањето на сега оштетениот и неговиот син, коишто по секоја цена сакале да го стигнат крадецот и да се пресметаат со него на било кој начин, кажа бранителот.
Мас и Вархеји разговарале за преговорите со Северна Македонија и Албанија. Добра дискусија со МНР Хајко Мас денес. Разменивме мислења за западниот Балкан и потребата да се оди напред со процесот на проширување на ЕУ, вклучително преку отворање на преговорите за членство со Албанија и Северна Македонија што е можно побргу, напиша Вархеји на Твитер.
Надлежните да утврдат дали во случајот со набавката на софтвер од Рашковски се прекршени процедурите, порача Арсовски. Информации поврзани со набавката Владата веќе сподели неколку пати. Документацијата ќе биде доставена до надлежните институции кои го проверуваат овој случај, рече Арсовски.
Соработка на ФИТР и НЛБ, се засилува поддршката за креативните и иновативните старт-ап бизниси. Олеснување на пристапот до финансиски средства за микро, мали и средни претпријатија, вклучувајќи ги и старт-ап компаниите е главната цел на Меморандумот за сработка што го потпишаа Фондот за иновации и технолошки развој и НЛБ банка со што на компаниите – апликанти за кофинансирани грантови на ФИТР, преку различни кредитни продукти, Банката ќе им обезбеди дополнителна финансиска поддршка во делот на сопствено кофинансирање преку поволни кредитни линии.
Објавена аудио снимка од актерката Даниела Штајнфелд и Бранислав Лечиќ – кого го обвини за силување. Во разговорот може да се слушне како Лечиќ вели „знаеш ли ти кој сум јас?“, „ако јас кажам да, значи е да“, а Даниела му вели дека не го почитувал нејзиното „не“.
