Протести против случајот „Монструм“.
Демонстрантите се собраа кај паркот во Чаир и пристигнаа пред Владата на Република Северна Македонија.
Пред зградата на Владата се забележува блокада и присуство на полициско обезбедување.
Нашиот репортер информира дека се работи за многу помала група на демонстранти во однос од претходниот протест.
На протестот пред неколку недели, демонстрантите се судрија со полицијата кај Бит Пазар при што беа повредени единаесет полицајаци, а нападната беше и новинарска екипа.
Десетина лица беа обвинети за учество во толпа. Според обвинителството, се обиделе да го пробијат полицискиот кордон фрлајќи камења, метални шипки и други предмети. За делото на казна затвор од осум месеци до една година беа осудени четири лица. За останите сè уште трае судската постапка.
