Забрчанец: Ги отворивме институциите со највисок степен на транспаретност

„Не се согласувам дека власта употребува преголем или несоодветно силен ПР. Напротив, дури и мислам дека многу од успесите на Владата и на државата се под ризик да останат во заборав заради динамичното време во кое живееме, заради предизвиците како пандемијата кои ги променија интересите и приоритетите на граѓаните и секако поради тоа што власта нема намера со декрет и со контрола да се себерекламира како што тоа го правеше Груевски и за што трошеше милиони евра народни пари. Но, немојте од Владата и од ПР-от кои ги отворија институциите и воведоа највисок до сега степен на транспарентност, да барате да не комуницираат за позитивните промени во нашата држава. Нема корист ако ги забораваме позитивните промени, тие треба да ни се инспирација за нови натамошни реформи.“- вели Марјан Забрчанец, Национален координатор за комуникациски стратегии, во интервју за Слободен печат.