„Ние ветивме дека стапката на данокот на доход во ИТ индустријата ќе дојде на 0. Тоа е дејност која го зголемува брутодомашниот производ, вработува високобразовани кадри и има големо влијание врз БДП. Тој скалесто ќе биде намален на 0, за таа дејност да продолжи да се развива“ кажа заменик-министерот Димитар Ковачевски во емисијата „Економски магазин“ на АлсатМ.
Ковачевски додаде дека Владата ќе прави корекции на одредени даноци, кои што се ветени и ставени во програмата. „Пред 1 јануари 2023 година нема да се сменат даночните стапки, односно данокот на личен доход и кога ќе се направи решението за од 1 јануари 2023 година, тоа ќе биде со одложено важење, за стопанските комори и компаниите да го прилагодат своето работење во шест месечен период “ кажа Ковачевски. Тој додаде дека стапката на ДДВ исто така ќе остане на 18%, како и дека нема да има промена на останатите повластени стапки. Заменик-министерот за финансии кажа дека веќе има намалување на ДДВ кај занаетчиите и во угостителските услуги со цел намалување на сивата економија.
