Агенцијата за финансиска поддршка во земјоделството и рурланиот развој на сметките на 28.168 субјекти исплати близу 1,7 милјарди денари за произведен и предаден тутун од реколта 2020 година.
Директорот на АФПЗРР, Никица Бачовски, информира дека станува збор за исплата на сите производители кои правно законски ги исполниле условите за добивање на финансиска поддршка по оваа мерка.
– Средствата се веќе легнати на сметките на сите производители кои што произведениот тутун го предале во регистрираните откупни центри: Тутунски комбинат Прилеп, Алијанс, Сокотаб, Пашоски, Секе, Орбита табак, Кавекс Балкан, Мисириан и Бако, рече Бачовски.
Од Агенцијата посочуваат дека висината на директните плаќања изнесува 80 денари по килограм за прва класа произведен и предаден тутун, 70 денари за втора класа и 60 денари за трта класа произведен и предаден тутун од реколта 2020 година.
Владата заедно со надлежните институции, потенцираат од АФПЗРР, и покрај пандемијата заедно со оваа исплата од почеток на годината на сметките на земјоделците исплати близу 3,5 милјарди денари за субвенции по повеќе мерки.
извор: МИА
