Турските и италијанските медиуми најавуваат проблеми за Елиф Елмас во Наполи, по доаѓањето на новиот тренер Џенаро Гатузо, пренесе МИА.
Во Италија се пишува дека Гатузо ќе игра со формација 4-3-3, во која би немало постојано место за младиот македонски фудбалер. Според Гатузо, столб на средниот ред на Наполи треба да биде Бразилецот Алан, кој игра на иста позиција со Елмас.
И Турците будно го следат развојот на настаните, па веќе има шпекулации дека Елмас можеби ќе биде позајмен на друго место, бидејќи во Наполи не би добивал доволно шанса од тренерот, особено ако клубот го донесе Лукас Тореира како замена за Алан.
