„По сите основи се враќаат парите назад кон граѓаните. Годишно враќаме во просек по околу 800 милиони евра, тоа се 3 милијарди и 200 милиони евра за 4 години. Пари што претходно се трошеа за споменици, музеи, во Белизе…Денес тие пари се враќаат кон граѓаните и продолжуваме да ја јакнеме економијата“ рече премиерот Зоран Заев на трибината „Најдоборо за нашата општина“ во Валандово.
Тој додаде дека во четирите години власт на СДСМ постојано се намалува и стапката на невработеност.
„Во 2017 година стапката на невработеност беше 24 проценти, а сега после пандемијата и кризата таа е 16 проценти. Приходите во буџетот растата и во споредба со 2019 година, што ни покажува дека се зајакнува еконоијата“ рече Заев.
Тој додаде дека стапакта на невработенсот кај младите од 57 проценти е намалена на 40 проценти и најави нови програми за вработување на младите кои ќе започнат од есента.
„Позитивните економски параметри потврдуваат дека се исправни политиките кои ги водииме и тие носат резултати. Само по тој пат можеме да доживеме економски стандард каков што се надеваме и каков што треба да имаме како европска земја“ рече Заев.
Премиерот додаде дека крајната цел на сите политиките, без разлика дали се меѓународни или домашни е зголемен економски раст и правењето на земјава во подобро место за живеење.
„Резултатите ги имаме, нема веќе плати по 8 и пол, 9 илјади. Минималната плата пред 4 години беше 9 илјади, а денес е над 15 илјади. Тоа направи и сите други плати да растат. Пред 4 години просечната плата беше 22.500, а денес изнесува над 28 илјади“ рече Заев.
