На Зимското Национално Првенство во пливање кое се одржа на 14-15.12.2019 во базенот „Борис Трајковски“ учествуваа 19 клуба и околу 300 пливачи кои се натпреваруваа во сите старосни категории (Сениори,Младинци,Кадети,Постари и Помлади пионери) поединечно и екипно.
Никола Ѓуретановиќ е државен првак во 8 дисциплини, прогласен е за најдобар пливач во категорија и дел од тимот на ПК Вардар 2018, кој сруши два државни рекорди во штафетните трки 4×50 слободно и 4×50 мешано, заедно со неговите клубски другари, Кирил Анѓелковиќ, Марин Тасевски и Горазд Станковски.
Неодамна на меѓународниот пливачки митинг „Немо куп 2019“, дванаесетгодишниот Никола Ѓуретановиќ постави два нови национални рекорди во категорија помлади пионери.
Првиот во дисциплината 200 метри мешано го подобри претходниот рекорд за 2,19 секунди, а вториот во дисциплината 400 метри слободно го подобри за 4,91 секунди, со време 4:47:96, стариот рекорд кој беше несоборен цели 22 години.
На Зимското Национално Првенство во пливање, за најдобри пливачи по категории според најголем број на победи во категорија се прогласени следните пливачи:
Жени:
Помлади пионерки – Софиа Дамјанова ПК Октопод
Постари пионерки,Кадетки,Младинки и Сениорки – Миа Блажевска Еминова ПВК Орион
Мажи:
Помлади пионери – Никола Ѓуретановиќ ПК Вардар 2018
Постари пионери – Јован Јанковски ПВК Орион
Кадети и Младинци – Андреј Стојановски ПК Нептун
Сениори – Филип Деркоски ПВК Орион
На првенството се поставени и 13 индивидуални и 5 рекорди во штафетните трки.
Членката на ПВК Орион,Блажевска Еминова Миа постави нови рекорди во следните дисциплини:
Кадетски,Младински и Апсолутен рекорд на 50м грбно со време 29:30
Кадетски,Младински и Апсолутен рекорд на 50м градно со време 34:24
Кадетски,Младински и Апсолутен рекорд на 100м делфин со време 1:02:98
Кадетски рекорд на 100м градно со време 1:14:90
Кадетски рекорд на 50м делфин со време 28:39
Членот на ПК Скопје,Стефан Цветковски постави нов Кадетски рекорд во дисциплината 50м делфин со време 25:90
Додека членката на ПК Октопод,Софиа Дамјанова постави нов рекорд за Помлади пионерки во дисциплината 50м делфин со време 30:59.
Штафетите на ПК Вардар 2018 поставија нови рекорди за Помлади пионери со време 2:17:02 на 4×50м мешано и 2:01:97 на 4×50м слободно.
Штафетите на ПК Скопје поставија нови рекорди за Кадетки и Младинки на 4×50м мешано со време 2:17:05,нов рекорд за Кадетки и Младинки на 4×50м слободно со време 2:02:75 и нов рекорд за Постари пионерки на 4×50м слободно со време 2:02:75
Ј. Ѓорѓиоски
