Сите анализи, анкети, резултати на истражувањата на јавното мислење покажуваат дека СДСМ со својата коалиција е фаворит на овие локални избори и тоа секој еден може да го виде во тие истражувања, , истакна потпретседателот на СДСМ Оливер Спасовски во емисијата „Жешко политичко лето“ на Канал 5 телевизија.
На редовен координативен состанок на министерката за образование и наука Мила Царовска со директорите на средните училишта во државата, се разговараше за финалните подготовки со цел успешен старт на учебната година, која согласно одлука на Владата, а на предлог на МОН и на препорака на Комисијата за заштита од заразни болести, ќе започне на 1 септември со настава со физичко присуство на учениците.
Членките на ЕУ денеска се согласија да ги отстранат САД од ковид-листата на безбедни земји, што значи дека патниците од САД и пет други држави ќе подлежат на построги гранични контроли, како што се тестови на коронавирус и карантин.
Бројката на авганистански цивили, кои работеле за меѓународните организации, што ќе бидат прифатени во земјава флуктуира поради состојбата во Кабул, а граѓаните треба да бидат спокојни, бидејќи нема никаков основ за нарушување на безбедноста и здравјето во делот на оваа оперативна акција, порача вечерва министерот за внатрешни работи Оливер Спасовски.
Претседателот Стево Пендаровски, честитајќи го огромниот успех – шест децениската организација на Струшките вечери на поезијата, на денешната средба со Тодорче Тасевски, директор на „Струшки вечери на поезијата“, Владан Кречковиќ, добитник на меѓународната награда „Мостови на Струга“ и Лидија Димковска, добитничка на наградата „Браќа Миладиновци“, истакна дека нашата држава е горда што низ овие 60 години успеала да востанови врвен фестивал кој опстојува на светската поетска сцена со препознатлив карактер и идентитет.
