Прочитајте што ќе пишува на споменикот на Зоран Заев во најновата колумна на вашиот омилен колумнист Сашо Орданоски….Кампањата за Локалните избори 2021 офизијално започна денеска…Привршува пописот, над милион и шесттотини пошишани лица. Апел за кампања без омраза кон ЛГБТ+ заедницата и другите маргинализирани заедници…
ФРОНТ
Што ќе пишува на споменикот на Заев? Тоа е контекстот во кој Заев, повторно, се труди да ни ја протолкува својата денешна политика кон Бугарија. Нема начин како тоа да не прозвучи контроверзно – особено пред уште едни избори во државава! – бидејќи тој е единствениот активен политичар на македонската политичка сцена кој се обидува (и успева) македонското општество да го мрдне од „мртвата точка“….читајте во најновата колумна на Сашо Орданоски.
ИЗБОРИ, ПОПИС, ПОЛИТИКА
Фон дер Лајен утре во посета на Северна Македонијa. Портпаролот на Европската Комисија, Ерик Мамер, претходно најави дека Урсула фон дер Лајен во Скопје ќе разговара и за спорот со Бугарија. Како што јави допсиничката на МИА од Брисел, Мамер не даде повеќе детали, и посочи дека прашањата ќе бидат одговорени на прес-конференциите што ќе ги има претседателката на ЕК.
Вархеји в среда доаѓа во Скопје. Вархеји минатата недела беше во Бугарија каде разговараше за надминување на бугарската блокада за почеток на преговорите со Северна Македонија во ЕУ.
Почнува кампањата за Локалните избори 2021 и ќе трае 20 дена односно до 15 октомври на полноќ. Политичките партии и независните кандидати веќе ги најавија своите активности во кампањата иако најголем дел од кандидатите за градоначалници и советници во изминатите месеци веќе имаа неформални средби со граѓаните и претставување на своите програми на социјални мрежи.
Апел за кампања без омраза кон ЛГБТ+ заедницата и другите маргинализирани заедници. Ги потсетуваме дека илјадници ЛГБТ+ лица, нивните родители, пријатели и поддржувачи се исто така дел од гласачкото тело. Сите од нив очекуваме да презентираат инклузивни идеи, решенија и проекти што ќе бидат од корист за сите граѓани без оглед на нивните лични карактеристики, наместо да користат националистички, расистички, ксенофобични, мизогини или хомофобични реторики.
Уште три дена попис, досега попишани околу 1,55 милиони лица. Можноста за самопопишување на лица во странство, пак, досега ја искористиле – 197 033 граѓани од дијаспората.
ДЗС: Попишани вкупно 1.619.857 лица, 503.491 домаќинство и 711.695 станови. Освен во своите домови, граѓаните можат да се попишат и на одредени пунктови во нивните општини што ги отвори Државниот завод за статистика. Локациите за попишување се достапни на линкот на ДЗС: https://popis2021.stat.gov.mk/
ПАНДЕМИЈА, ИНФО ПИТ
Почнува вакцинацијата со трета доза за лица над 60 години, здравствените работници и имунокомпромитирани. И понатаму ќе функционира пунктот во салата „Борис Трајковски“, во сите други поликлиники тука во Скопје и ширум државата, изјави вчера Филипче. Во однос на скринингот на училиштата, министерот посочи дека прво ќе се почне со обезбедување согласност од родителите, а потоа ќе биде презентирана и методологијата.
Mистеријата разрешена: Никој не нуди пари за семејството да потпише дека блискиот починал од ковид-19.
Натпросечно топло, од вторник заладување. Минималните температури во вторник ќе се движат од 7 до 16 степени, а дневните до 25 степени. Во текот на следните денови температурата ќе опаѓа и ќе достигне до 21 степен.
СВЕТ
Пратеничкото место на Меркел го освои кандидат на социјалдемократите. Директното парламентарно место на Меркел во нејзината изборна единица во Мекленбург-Западна Померанија го освои Ана Касауцки од ривалската Германска социјалдемократска партија (СДП).
Еден загинат и деветмина повредени во земјотресот на Крит. Според грчките медиуми безживотното тело го извлекле припадниците на специјалните сили за справување со катастрофи на противпожарната служба, од урнатините на мала црква во која се вршеле градежни работи во селото Аркалохори.
