„А1он“ дојде до снимки со група на Роми, жители на Ѓорче Петров кои оставаат лични карти на еден ден пред вториот изборен круг. Неофицијално, станувало збор за поткуп, непосредно пред изборниот ден, за време на изборниот молк. Ова се случувало во двор на куќа, каде дестици Роми биле повикани да ги донесат личните карти.
На снимките се гледа и како се прават копии од нивните лични документи, кои потоа, биле задржувани. Неофицијално, биле давани пари во кеш, за да го гарантираат нивниот глас дека ќе биде даден за кандидатка на изборите за градоначалници. Полицијата е известена и постапува, а информации се најавуваат за подоцна.
