На денешната прес-конференцијата на Владата, портпаролите Душко Арсовски и Муамет Хоџа информираа за дел од одлуките донесени на вчерашната седница на Владата.
На прашањето од Фронтлајн – Дали се планираат дополнителни антиковид-мерки за време на новогодишните и божиќните празници?, Арсовски одговори дека според проценките на експертите мометалните рестриктивни мерки против проширувањето на вирусот Ковид 19 се доволни за претстојните новогодишни празници.
„Според проценките на експертите мометалните рестриктивни мерки против проширувањето на вирусот Ковид 19 се доволни за претстојните новогодишни празници.Ситуацијата со пандемијата во земјава е стабилна. Она што може како апел да го повториме е граѓаните да се вакцинираат со цел побрз излез од пандемијата и враќање на животот во нормала“, одговори Арсовски.
Во одговор на прашањето од Фронтлајн – Дали владата предвидува дополнителни мерки за справување со злоупотребата на оружјето и распрскувачките материјали за време на празниците?, портпаролот истакна дека МВР работи со засилени контроли за новогодишните празници.
„Владата преку Министерството за внатрешни работи презема превентивни и репресивни мерки за справување со пиротехничките средства. Последните неколку дека според податоците се запленети над 30.000 парчиња пиротехника и приведени се неколку лица. Паралелно Министерството продолжува со превентивни активности за да се спречи употребата на овие средства. Во оваа прилика потсетуваме на Законот за прекршоци против јавниот ред и мир којшто во член 31 предвидува глоба од 200 до 500 евра во денарска противвредност за оној кој неовластено пука од огнено оружје, употребува пиротехнички средства или сличен експлозивен или лесно запалив материјал или на сличен начин го нарушува мирот и безбедноста на граѓаните. Уште еднаш сумарно, Министерството за внатрешни работи со засилени контроли за новогодишните празници“, одговри портпаролот Арсовски.
Мартина Ацковска