Гијом Аполинер
Знам ли од каде, Сирени, доаѓа вашата
немоќ,
кога пиштите, долж брегот,
среде ноќ?
Море, налик тебе сум, полн
со гласови заговорни,
и моите музички бродови
се викаат години.
Слободен препев: Тања Кармзова Костиглиола
Гијом Аполинер (1880-1918) е француски поет, драмски и писател на кратки раскази, романописец и уметнички критичар, роден во Рим, Италија. Аполинер се смета за еден од најистакнатите поети на почетокот на 20 век, како и еден од најстрастните бранители на кубизмот и предок на надреализмот.
избор: Тања Кармзова Костиглиола
