Украински авион „Боинг 737“ со 176 лица се урна кратко време по полетувањето од аеродромот во Техеран, при што загинаа сите патници и членови на екипажот.
– Авионот полетал од меѓународниот аеродром „Имам Хомеини“ во иранската престолнина кога еден од моторите се запалил, изјави портпаролот на иранската служба за транспорт, Касем Биниаз.
Пилотот изгубил контрола над авионот, пренесе иранската агенција Ирна, пренесе МИА.
Во авионот, кој летал за Киев, Украина, имало 167 патници и девет членови на екипажот.
