Директорката на Централниот регистар и други вработени во установата биле под закани од Емил Јакимовски, каде истиот е и вработен.
Денес и новинарката Мери Јордановска ги прикажа вулгарните закани кои Емил Јакимовки и ги испратил на Јордановска.
Не долго после тоа градоначалникот на Кавадарци Митко Јанчев, искажа солидарност со Мери Јордановска и до редакцијата на Фронтлајн ни испрати скриншотови во кои се гледаат заканите кои истиот Емил Јакимовски му ги испраќал нему.
Заканите кон градоначалникот Митко Јанчев може да ги погледнете тука.
Еве што напиша директорката на Централен регистар, Марија Бошковска Јанковска на својот Фејсбук профил.
„Почитувани,
Централниот регистар на Република Северна Македонија најостро ги осудува заканите на вработениот Емил Јакимовски преку Интернет врз новинарката и заменик-уредникот на А1он Мери Јордановска.
Сакаме да истакнеме дека поради нарушување на работниот ред и дисциплина, како и закани кон вработени во Централниот регистар на Република Северна Македонија против Емил Јакимовски веќе е отворена дисциплинска постапка. Комисијата се уште нема одлука, бидејќи вработениот Емил Јакимовски веќе неколку месеци е на боледување.
Исто така во изминатиот период во МВР има повеќе пријави од вработени во Централниот регистар поради закани од истото лице. Меѓу пријавите поднесени во МВР е и пријавата поднесена од мене лично како директор на Централен регистар Република Северна Македонија ,каде во изминатиот период сум мета на постојани напади и закани од Емил Јакимовски.
Централниот регистар секогаш имал одлична соработка со медиумските работници и новинарите и затоа апелираме МВР и истражните органи да ги испитаат ваквите наводи и да ги преземат сите неопходни мерки за расчистување на случајот.“, известува Марија Бошковска Јанковска директорка на Централниот Регистер.
Ј.Ѓ
