Унгарскиот премиер Виктор Орбан, кого западните медиуми го квалификуваат како про-Путин, прогласи победа на националните избори во земјата, обезбедувајќи четврти последователен мандат на власт.
– Оваа победа треба да се памети, можеби дури и до крајот на нашите животи, затоа што имавме најголем (број на противници] кои требаше да ги совладаме, изјави Орбан, пренесува „Гардијан“.
– Левицата дома, меѓународната левица, бирократите во Брисел, парите од империјата на Сорос, меѓународните медиуми, па дури и украинскиот претседател, оцени Орбан.
Се чини дека тој алудира на критиките од Зеленски, кој го искористи неговото вечерно обраќање за да го прекори за поддршка за рускиот претседател Владимир Путин.
– Тој е практично единствениот во Европа кој отворено го поддржува господинот Путин, истакна Зеленски.
– Цела Европа се обидува да ја запре војната, да го врати мирот. Тогаш зошто официјална Будимпешта е опозиција на цела Европа, на сите цивилизирани земји? праша Зеленски.
Претседателот македонската опозоциска ВМРО-ДПМНЕ, Христијан Мицкоски, синоќа со селфи со унгарскиот премиер Виктор Орбан му ја честиташе победата на парламентарните избори во Унгарија што се одржаа вчера, пренесе МИА.
Голема победа за Виктор Орбан. Со среќа и успех нека е петиот премиерски мандат, четврти по ред, напиша Мицкоски, кој му ја честиташе и победата на српскиот претседател, Александар Вучиќ.
