Нескршлив народе на најхрабрата земја во светот! Денес веќе почна третиот месец од нашата војна за нашата независност. Руско-украинската војна. Третиот месец! На 24 февруари повеќето во светот не ни веруваа дека ќе издржиме повеќе од една недела. Некои рекоа три дена. Пред еден месец, моравме да убедиме различни земји дека обложувањето на Украина е победна. А сега … Сега сите го знаат тоа, рече украинскиот претседател Володомир Зеленски во обраќањето.
„Благодарение на храброста и мудроста на нашите бранители, благодарение на храброста на сите украинци, сите украинки, нашата држава е вистински симбол на борбата за слобода. Сите во светот – па дури и оние кои отворено не не поддржуваат – се согласуваат дека во Украина се решава судбината на Европа, судбината на глобалната безбедност, судбината на демократскиот систем. А пред сè, се решава тоа каков ќе биде – и дали воопшто ќе биде – животот во центарот и на истокот на нашиот континент.
Буча, Бородјанка, Гостомел, Охтирка, Чернигив и Суми, Изјум, Харкив, Волноваха, Золоте, Северодонецк, Рубижне, Попасна и Мариупол … Ракети во Одеса и Краматорск, Житомир, Лвив, Кременчук и Кривиј Риг … во сите градови и заедници на Украина, Русија покажа што навистина сака и што може да донесе во Европа. Што може да им донесе на Кишињев, Тбилиси, Хелсинки, Вилнус, Варшава, Прага, сите градови и земји кои руските државни пропагандисти долго време отворено ги идентификуваа како наводни непријатели на Москва.
Русија започна офанзива против Украина во многу правци. Ракетни напади, воздушни напади, артилерија, тенкови – се! Руските војници не штедеа ништо. Не штедеа средства за да не убијат нас, да убиваат Украинци и да ни ја уништуваат земјата.
За два месеци тие употребија повеќе од 100.000 ракети против нас. Безброј бомби и артилерија. Тие мачеа, ограбуваа, пукаа. Ја минираа нашата земја. Мирните градови и села ги претворија во пекол. Дел од украинските градови и заедници ги уништија до темел. Но, тие не постигнаа ништо. И нема да постигнат.
Херсон, Каховка, Мелитопол, Днепроудне, Енергодар и другите наши градови, каде што привремено влегоа руските окупатори, никогаш не им се потчинија. Луѓето со својот протест, со својот однос кон окупаторите покажаа дека Украина задолжително ќе победи.
Русија сака да си поигра со лажен „референдум“ некаде на нашата земја? Дури и да се обидат, ќе биде исто толку срамно како и се друго што беше „создадено“ во Москва за окупација на Украина.
Харкивската, Донецката, Луганската област – никаде руската војска не виде ни најмала поддршка на која се надеваа. Но, видоа дека тоа е сосема друга држава. Видоа дека овде има сосема други луѓе. Луѓе кои се самоуверени. Кои веруваат во својата држава. Кои знаат да ги почитуваат другите затоа што се почитуваат себеси. Кои не сакаат да заробат ништо друго, но нема да дадат ништо од своето. Кои ќе го заштитат секој град, секоја улица, секое поле.
За два месеци воени дејствија на 9 илјади 781 бранители на Украина им беа доделени државни награди. Титулата Херој на Украина ја добија 142 наши бранители.
Украинците и Украинките покажаа навистина масовна подготвеност да ја бранат Украина. На која било возраст, каква било имотна состојба, какво било образование – Украинците и Украинките подеднакво застанаа во одбрана на државата.
Оваа војна стана навистина народна за Украина. И покажа дека на целата наша територија – од исток кон запад, од север кон југ – украинската идеја е подеднакво силна, подеднакво национална.
До овој момент, 931 населено место се веќе деокупирани. Многу повеќе градови и заедници се под привремена контрола на руската армија. Но, не се сомневам дека е само прашање на време кога ќе ја ослободиме нашата земја.
Русија може да потроши огромни ресурси за поддршка на војната. Да се спротивстави дури и на целиот слободен свет. Може да одземе од својот народ сè што може да ја развие самата Русија и да го насочи овој потенцијал на уништување на животите на соседите.
Но, лекциите од историјата се добро познати. Ако сакаш да изградиш илјадагодишен Рајх, ќе изгубиш. Ако сакаш да ги уништиш соседите – ќе изгубиш. Ако сакаш да ја вратиш старата империја, ќе изгубиш. И ако тргнеш против Украинците – ќе изгубиш.
За два месеци беше формирана глобална антивоена коалиција. На Русија веќе се воведени санкции кои и ја одземаа иднината. Украина добива помош од десетици земји. Ова е поддршка со оружје, финансии, неопходни добра, политичка поддршка директно.
Максимално го забрзуваме нашето движење кон Европската Унија. Веќе помина историски момент, важна етапа – со добивањето и пополнувањето на посебен прашалник, кој и беше доставен на секоја земја пред да се здобие со статус на кандидат за членство во ЕУ.
Дури и сега, кога војната се уште трае, ја создаваме потребната база за обнова на Украина. Тоа се меѓународни договори на различни нивоа, тоа се создавање на посебни фондови за обнова на нашата држава.
Веќе сега, кога Русија сè уште се обидува да ја заземе нашата територија, ние покажуваме дека на слободна Украина ќе и дадеме повеќе можности за развој отколку што Русија може да даде не само на окупираниот дел од нашата територија, туку и на сопствената територија, сопствената држава.
Очигледно е дека секој ден – а особено денес, кога започна третиот месец од нашиот отпор – сите во Украина се загрижени за мирот. За тоа кога се ќе заврши. За тоа кога и што може да биде победа за Украина.
На ова прашање во исто време и има и нема едноставен одговор. Кога ќе има победа, сите ќе ја почувствуваат. Кога ќе дојде мирот, сите ќе го видат. Но, за ова да се случи – и да се случи побрзо – не треба да размислуваме за тоа кога и што ќе биде. Мораме секој ден да размислуваме за тоа како да го направиме престојот на окупаторите на нашата земја уште понеподнослив.
Украина е подготвена за мир. Беше подготвенa дури и тогаш, кога војната траеше во Донбас. Таа е подготвена и сега, кога руската инвазија е од големи размери.
Но, за Русија да бара мир, секој Украинец и секоја Украинка сепак мора да се бори. Тие мора да ја бранат слободата. Затоа што секој ден на борба сега е плус години и години мирен живот по оваа војна. По нашата победа.
Како и секогаш, пред да го запишам ова обраќање, потпишав укази со кои ги наградив нашите херои. Државни награди добија уште 269 воени лица на Вооружените Сили на Украина и 9 воени лица на Главната управа за разузнавање.
Вечна слава на сите што застанаа во одбрана на државата!
Вечна благодарност до сите кои ни помагаат да издржиме!
Вечен спомен на сите што го дадоа животот за Украина!
Слава на Украина!“, рече Зеленски.
