„Oпштина Лозово каде што спречувате проект од 9 милиони евра за управување со отпад од животинско потекло. Свети Николе, проект од 40 милиони евра каде што треба регионално да се управува со отпадот градоначалникот на Свети Николе го спречува и Општина Битола каде што сè уште не сакате да направите ништо во врска со финансирање на реконструкција на канализацијата“, реплицира кон пратеникот Лефков вицепремиерот Бојан Маричиќ од собраниската говорница.
Тој додаде дека лецемерието со кое се настапува веќе им е јасно на граѓаните.
„Ова лицемерие, овде да критикувате а таму кај што имате власт да ги кочите европските проекти многу е јасно за граѓаните. Сега може да кажувате лажни вести дека со тоа се уништува животната средина, но делегацијата на ЕУ понуди да отиде делегација на вашите општини во Австрија, во Словенија да види како исти такви фабрики функционираат и како тоа нема врска со лажните вести кои ги презентирате дека ќе се загади животната средина.“ рече Маричиќ.
