Германскиот фудбалски репрезентативец Илкај Гундоган, најверојатно, на крајот на сезоната ќе ги напушти редовите на премиерлигашот Манчестер сити, јавија англиските медиуми, пренесува МИА.
Како што наведуваат медиумите, на германскиот играч за врска му било соопштено дека во летниот преоден рок може да бара нов клуб, бидејќи во Сити не се расположени за продолжување на соработката.
Гундоган (31) до јуни 2023 година има договор со Сити, каде дојде во 2016 од редовите на Борусија Дортмунд за 21 милиони фунти.
