На руската државна телевизија соговорниците не само што „муабетат“ за тоа што е потребно за да се уништат Соединетите Американски Држави, туку и колку Украинци треба да бидат масакрирани. Пратеникот Алексеј Журавлјов излезе со бројка: 2 милиони. Никој во студиото не се противеше – вклучително и водителот, кој и самиот е член на Руската Дума.
On Russian state TV, they discuss not only what it would take to destroy the United States, but also how many Ukrainians have to be massacred. One lawmaker came up with a figure: 2 million. No one in the studio blinked or objected—including the host, who is himself a Duma member. pic.twitter.com/dqywGStxax
— Julia Davis (@JuliaDavisNews) May 30, 2022
„Еве јас ќе ви кажам најкомпетентно. Да го уништиме цел Источен брег на САД потребни се две ракети Сармат, и уште две за Западниот брег. Четири ракети и ништо нема да остане. Тие мислат дека печурките се повиски од оризовата трева, затоа што печурките ќе се гледаат од Мексико. Момци, смешни сте. Кои методи ги користат тие? Тие се обидуваат да ги зголемат нападите, дали ние треба да се спротиставиме на тоа? Не треба да паднеме на тоа. Да им кажеме дека нивните пресметки се погрешни и да им кажеме нашите калкулации се точни. Не паѓајте во заблуда. Што можат да речат ако не остане ништо…Никој не мисли дека некој би бил добро после нуклеарен напад. Никој нема да биде добро, но да пресметаме добро што точно треба да се направи…..Покрај целата „нацификација“, книги, кратење на руските ТВ канали во Украина. 40 % од Украинците се против уривање на спомениците од Втора светска војна, 36 % се наутрални, а неутрални се затоа што се уплашени. И само 3/4 или 19 % од Украинците се за уништување на тие споменици. Ако им ги реинсталираме мозоците како што треба, 12 до 15 % ќе сметаат дека не треба да се срушат спомениците од Втора светска војна. Значи, максимум 5 % ќе бидат неизлечливи. Или, тоа значи, два милиони Украинци, или ќе треба да ја напуштат Украина, или да бидат „денацифицирани“, односно да бидат уништени. За мене, за жал, ова е граѓанска војна. Ме боли срцето затоа што Руси се борат против Руси, исто како во граѓанската војна кога загинаа 10 милиони луѓе без причина, а Западот се обиде да ја распарчи Русија. Ништо не е поинаку и сега. Ги тераат луѓето да се свртат против себе и да ја распарчат Русија на 10-15 земји“, изјави луто пратеникот Алексеј Журавлјов.
И пред еден месец Журвалјов, претседателот на националистичката партија Родина, Алексеј Журавлјов во емисија рече: „Еден проектил „Сармат“ и ќе ги снема Британските острови“.
И. Т. З.
