Украинскиот владин портал за информации на Министерството за енергетика, Укренерго, Нафтогас, и Енергоатом известуват за состојбата во енергетскиот сектор на Украина и како надлежните се справуваат со штетите што руските сили ги прават во снабдувањето на граѓаните со електрична енергија, горива и гас.
Електрична енергија
Националниот регулатор за енергетика на Националната комисија за државна регулација на Енергетиката и јавните комунални претпријатија на Украина ги обврза давателите на универзални услуги и операторите на електродистрибутивните системи да обезбедат податоци за сите потрошувачи, посебно на жители од Русија и Белорусија, информираат украинските власти.
Ваквите акции, како што укажуваат, треба да се спроведат со цел да се заштити суверенитетот и територијалниот интегритет на Украина, да се обезбедат националните интереси во енергетската безбедност, да се намали ризикот од потрошувачката на енергија од неидентификувани лица, вклучително и жители на земји кои започнаа воена агресија против Украина.
Во текот на изминатите 24 часа, прекинато е напојување на околу 30.000 потрошувачи во Украина.
„Во регионот Запорожје – 14 илјади, регионот Донецк – 8,9 илјади, регион Харкив – 4,1 илјади, Херсон регион – 1,5 илјади, Миколаев регион -1 илјади, регионот Дњепропетровск – 140 потрошувачи“, известуваат од Националниот регулатор за енергетика на Украина.
Оттаму истакнуваат дека заклучно со 15 јуни, околу 722 населени места, или вкупно околу 613,5 илјади потрошувачи, остануваат без струја поради штетите предизвикани од воените дејствија. Особено,
во регионот Донецк – повеќе од 352,1 илјади, во регионот Луганск повеќе од
128,2 илјади, во регионот Харкив околу 40,2 илјади потрошувачи.
Сега 100% од главните мрежи што беа оштетени од гранатирањето во северна Украина
се поправени. Вкупно 12 трафостаници и 33 главни далноводи со а напон од 220-750 kV беа обновени од страна на бригадата и Укренерго во ослободените територии., се наведува во извештајот од Националниот регулатор за енергетика на Украина
Гас
Националниот регулатор за енергетика информира дека деновиве е обновено снабдувањето со гас на 2,8 илјади претплатници. Без снабдување со гас остануваат 178,5 илјади претплатници.
Во јуни, Одделот во Харкив за главните гасоводи на операторот ГТС на Украина, поправи два гасоводи кои беа оштетени од руско гранатирање пролетта. Во моментов, Харкив добива гас според алтернативната
шема за снабдување со гас. Продолжувањето со работа на двата магистрални гасоводи ќе значи значително зголемување на сигурноста на снабдувањето со гас во Харкив и регионот.
Бензин и дизел
Украина планира да го зголеми увозот на бензин и дизел за 1,6 пати во споредба со мај
Во јуни 2022 година, Украина планира да го зголеми увозот на бензин и дизел гориво за 1,6 пати во однос на мај – до 600 илјади тони, изјави првиот Заменик-премиер на Украина – министерката за економија Јулија Свириденко.
Недостигот од гориво, на бензинските пумпи, како што се наведува, ќе го снема за 7-8 дена, односно кога ќе се вмрежат операторите и ќе можат да обезбедат резерви на бензин и дизел гориво за две недели.
Службата за безбедност на Украина иницираше заплена на имот на компанија со белоруско гориво вклучена во финансирањето на руската агресија во Украина.
Меѓу запленетите средства се корпоративни права и банкарски сметки со вкупна вредност од речиси 20 милиони UAH.
Според Службата за безбедност, оваа мрежа е специјализирана за трговија на големо со разни горива. Во текот на изминатата година, таа извезе стока во вредност од речиси 20 милијарди UAH. Компанијата меѓу основачите имаше белоруски државни претпријатија, купени суровини од Русија и платени даноци во буџетите на двете земји. Сите запленети средства се пренесени во Агенцијата за наплата и управување со имот.
Санкции од меѓународната заедница:
Најголемиот светски производител на турбини на ветер – европската компанија Вестас –
го раскинува специјалниот инвестициски договор со Русија поради нејзината воена инвазија во
Украина
Литванија планира да се исклучи од енергетскиот систем на Русија во 2024 година, една година пред планираното, рече во понеделникот претседателот на Литванија Гитанас Науседа.
Подготви: Ј. Ѓорѓиоски
