ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home СВЕТ

Протести ширум САД поради одлуката на Врховниот суд за абортусот

June 25, 2022 19:53
in ДЕНЕС, СВЕТ
Share on FacebookShare on Twitter

Во голем број американски градови вчера и денеска се одржува протести поради вчерашната одлука на Врховниот суд за поништување на федералното право на абортус, што беше воведено со пресуда стара 50 години.

Тоа значи дека милиони жени во САД ќе го изгубат правото на легален абортус.

Судот ја поништи значајната одлука во случајот Роу против Вејд, со што технички беше укинато федералното уставно право на абортус во САД.

Судиите на Врховниот суд кои ја донесоа одлуката наведоа дека пресудата во случајот Роу против Вејд од 1973 година, според која абортусите станаа легални низ САД до моментот кога фетусот може да преживее надвор од матката (помеѓу 24. и 28 недела од бременоста), е погрешна бидејќи Уставот на САД не го споменува правото на абортус.

Речиси половина од американските сојузни државите веќе донесоа или ќе донесат закони за забрана на абортусот, додека други донесоа поригорозни мерки со кои се регулира процедурата и се очекуваат дополнителни ограничувања.

Познати американски спортисти ја осудија одлуката на Врховниот суд. Меѓу првите реагираше и тенисерката Били Џин Кинг, кој пред неколку години во својата биографија откри дека имала абортус и ги опиша проблемите со кои се соочила пред пресудата во случајот Роу против Вејд.

Реагираа и членките на американската женска кошаркарска лига (ВНБА), но и кошаркарите од НБА, меѓу кои и ЛеБрон Џејмс.

Дали сè уште сме демократија кога оружјето има повеќе права од жените во оваа земја? Одлуката на Врховниот суд е пример за одлука на судската власт, која нема контакт со оваа земја и која ја заборави важноста на човечкото достоинство, се наведува во реакцијата на ВНБА.

Додека за Џејмс одлуката на Врховниот суд е „апсолутна желба за моќ и контрола“.

Одлуката на Врховниот суд, исто така, ја осуди Меган Рапино, првото име на американските фудбалери кои се борат за еднаква плата. Според него одлуката првенствено е одраз на желбата за суровост.

На одлуката на американскиот Врховен суд претходно реагираше и американскиот претседател Џо Бајден. Тој наведе дека со таквата одлука САД се враќаат 150 години наназад  и вети дека ќе направи се што е во негова моќ за да ги заштити правата на жените.

Додека генералниот секретар на Светската здравствена организација, Тедрос Аданом Гебреисус вчера изјави дека е многу разочаран од одлуката на Врховниот суд на САД за поништување на пресудата со која беше легализиран абортусот во САД.

Многу сум разочаран бидејќи правата на жените мора да се заштитат. И очекував Америка да ги заштити тие права, истакна Гебреисус.

На одлуката реагираа и претставници на Обединети нации.

Ограничувањето на пристапот до абортусот не ги спречува луѓето да го вршат и „тоа само го прави посмртоносен“, изјави портпаролот на генералниот секретар на ОН, Антонио Гутереш.

– Сексуалното и репродуктивното здравје и права се основата на животот по избор, зајакнување и еднаквост за жените и девојчињата ширум светот. Ограничувањето на пристапот до абортус не ги спречува луѓето да бараат абортус, тоа само го прави посмртоносен, изјави портпаролот Стефан Дујарик.

Агенцијата на ОН за сексуално и репродуктивно здравје (УНФПА) наведува дека „неверојатни 45 отсто од сите абортуси во светот се ризични, што ги прави најголема причина за смрт на мајките“. Според УНФПА, Речиси половина од сите бремености во светот се ненамерни, а повеќе од 60 отсто од нив може да завршат со спонтан абортус

– Одлуката на САД е голем чекор наназад и огромен удар за човековите права на жените и родовата еднаквост, наведе Високата комесарка за човекови права при ОН, Мишел Башелет./МИА/

Next Post

Без вода утре дел од Драчево

Shortcut

Најново

Тутунари, не дозволувајте грешките при пакувањето и чувањето да ви го намалат откупот

November 19, 2026
Претседателката Гордана Сиљановска Давкова (извор: Wikipedia)

Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

November 19, 2026

Емил Цветанов: ВФМ мора да биде симбол на фер-плеј, чесност и еднаков третман

November 19, 2026

Седум фемициди и шест барања: Граѓанските организации бараат институционална одговорност

November 18, 2026

Мислете му ја!

November 17, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0
  • Мислете му ја!

    0 shares
    Share 0 Tweet 0
  • Сара е во болница, осомничениот на слобода: Институциите мора да одговорат на сериозните обвинувања

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk