Илустрација од серијалот насловен „Африка“ била веднаш отстранета од Фејсбук и Инстаграм профилот на уметникот Зоран Кардула, со образложение дека била многу вознемирувачка и разголена.
„Само што постирав нова дигитална илустрација од серијалот “Africa” и ФБ и Инстаграм ми ги блокираа зошто била многу вознемирувачка и разголена. Некако уште стои на мојата страна Cardula па можете таму да ја видете додека не им текне да ја блокираат“, објави Кардула на својот Фејсбук профил.
Дел од коментарите на тие што ја погледнаа оваа илустрација се дека станува збор за уште една врвна изработка на нашиот уметник.
Како што коментираат на овој пост на Кардула, веројатно алгоритмот ја препознава само како “разголена“ содржина и истото се случува и со познати дела на сликари од светската историја на уметност.
