ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ЕКОНОМИЈА

Народна банка: Во земјава зголемено штедењето и кредитирањето

October 21, 2022 12:51
in ДЕНЕС, ЕКОНОМИЈА
Share on FacebookShare on Twitter

Вкупните депозити во банките во септември на годишно ниво бележат раст од 3,4%, а вкупната кредитна поддршка е поголема за 9,9%, соопшти Народната банка.

Растот на депозитната маса во целост се должи на повисоките депозити во секторот домаќинства. Растот на вкупните кредити, пак, е резултат на зголеменото кредитирање на двата сектора, а е поизразено кај корпоративниот сектор.

Во септември, паричната маса забележа месечен раст од 0,9%, пред сѐ како резултат на повисоките депозитни пари, при помал раст и на долгорочните депозити до две години, додека краткорочните депозити и готовите пари во оптек бележат пад. На годишна основа, паричната маса е зголемена за 3,7%, во поголем дел поради растот на краткорочните депозити, при дополнителен раст и на депозитните пари, а во услови на пад на долгорочните депозити до две години и готовите пари во оптек.

Вкупните депозити во септември се зголемени за 0,9% на месечна основа, поради растот на депозитите кај двата сектора, со поголем придонес на секторот „домаќинства“. Годишниот раст изнесува 3,4% и речиси во целост се должи на повисоките депозити на секторот „домаќинства“.

Вкупните кредити забележаа месечен и годишен раст од 0,9% и 9,9%, соодветно. Притоа, нагорната месечна и годишна промена е резултат на зголеменото кредитирање на двата сектора, коешто е поизразено кај корпоративниот сектор.

Во септември, вкупните депозити на корпоративниот сектор се зголемени за 1,5% на месечно ниво. Нагорната промена пред сѐ произлегува од растот на депозитните пари, при забележан раст и на долгорочните депозити во денари и во странска валута и краткорочните депозити во денари, додека краткорочните депозити во странска валута бележат пад. На годишно ниво, овие депозити се зголемени за 0,4%, како резултат на повисоките депозитни пари и краткорочните депозити во странска валута и во денари, во услови на пад на долгорочните депозити во странска валута и во денари.

Кредитите на корпоративниот сектор, остварија месечен раст од 1,1%, при годишен раст од 12,6%. Притоа, нагорната промена по двете основи се должи на зголеменото кредитирање во денари и во странска валута, со малку поголем придонес на кредитите во странска валута.

Депозитите на домаќинствата, во септември, бележат месечен раст од 1,1%. Месечната промена во најголем дел произлегува од растот на депозитните пари и краткорочните депозити во странска валута, при помал раст и на долгорочните депозити во странска валута и во денари, а во услови на мал пад на краткорочните депозити во денари. Анализирано на годишна основа, растот изнесува 5,3% и главно
се должи на повисоките краткорочни депозити во странска валута, при помал позитивен придонес и на долгорочните депозити во странска валута и депозитните пари, додека долгорочните и краткорочните депозити во денари бележат пад.

Кредитите на домаќинствата се зголемени за 0,7% на месечно ниво, во услови на раст на кредитирањето во денари и во странска валута, со поголем придонес на кредитите во странска валута. Во споредба со истиот месец претходната година, кредитите на домаќинствата се повисоки за 7,6%, како резултат на зголемените кредити во денари и во странска валута, со малку поизразен придонес
на кредитите во денари.

Во септември, гледано според намената на кредитите одобрени на физичките лица, кај потрошувачките и станбените кредити, како најзастапени категории, е забележан месечен раст од 0,8% и 0,9%, соодветно, при годишен раст од 6,7% и 12,9%, соодветно. Според ревидираните податоци, кај автомобилските кредити е остварен месечен пад од 0,5%, при годишен раст од 0,8%. Во септември, кредитите одобрени на кредитни картички бележат месечен и годишен пад за 0,1%, соодветно, додека негативните салда на тековните сметки се намалени за 2,0% на месечна основа, а се непроменети на годишна основа. Кредитите одобрени врз други основи се пониски за 1,2% на месечно ниво и 17,1% на годишно ниво.

Next Post
Џабир Дерала (фото: Кирил Михаилов)

„Зелена читанка“ за оние што се грижат за иднината на светот

Shortcut

Најново

Фотографија: Unsplash

Младите бараат образование наместо оружје: Протести против планот на ЕУ за 800 милијарди евра за одбрана

November 20, 2026
Јана Коцевска

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тутунари, не дозволувајте грешките при пакувањето и чувањето да ви го намалат откупот

November 19, 2026
Претседателката Гордана Сиљановска Давкова (извор: Wikipedia)

Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

November 19, 2026

Емил Цветанов: ВФМ мора да биде симбол на фер-плеј, чесност и еднаков третман

November 19, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0
  • Мислете му ја!

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk