РИБАРО
Здружението на коледари и василичари „Коледе-леде“ од Тешко Подизмочани, остро реагира на изборот на градоначалничката Данела Арсовска за именувањето на детектив за вд. директор на МКЦ.
„Кога може детектив да е директор на МКЦ, кој благе везе нема со култура, зошто да не и нашиот коледарски ем василичарски кандидат кој исто како и детективот е примен пред два дена преку Агенција за привремени вработувања во МКЦ. Нашиот кандидат барем има некакви допирни точки со традицијата“, велат од Здружението за АХА.
Тие истакнуваат дека ова нема така глатко да и помине на Арсовска, и правдата ќе ја барат на суд и низ институциите, освен ако компромисот е Бени.
Ако пак е Бени во игра, како што велат дека го токмела вмровската градоначалничка, тогаш ние сме спремни на компромис и ќе го аминуваме изборот, прецизираат од здружението Коледари и Василичари „Коледе-леде“.
Градоначалничката Арсовска во изјава за АХА, вели дека сериозно ќе ја земе реакцијата, зашто, како што нагласува: „Бени е шампион. Само тој остана доследен и не ја повлече поддршката што ми ја даде на локалните избори. Оние другите, сите мала-вода“, рече Арсовска.
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK
