Во косовските медиуми денеска фокусот е на планираниот атентат врз претседателот на Демократскиот сојуз на Косово, Лумир Абдиџику и неколку пратеници од истата партија, опширното интервју на албанската ТВ Клан со поранешниот амбасадор на ОБСЕ за Косово, Вилијам Вокер, во кое открива детали за неговото искуство со масакрот во Речак, и севкупниот третман врз него. Ова е само дел од темите од албанските медиуми во регионот, што редакцијата на ЦИВИЛ Медиа ги избра за денешното издание на АЛ-Прес.
ГАЗЕТА ЕКСПРЕС –Планиран атентат врз Лумир Абдиџику и пратеници на ЛДК
Газета Експрес од доверливи извори дозна и објави за планиран обид за атентат врз претседателот на ЛДК (Демократски сојуз на Косово), Лумир Абдиџику и неколку пратеници на партијата. Еден од пратениците, чие име се споменува како цел на можниот напад, дал изјава синоќа во една од полициските станици во Приштина. Од косовската полиција потврдија дека постапуваат со случајот, пренесе косовскиот медиум Газета Експрес.
ТВ КЛАН: Вилијам Вокер раскажува за масакрот во Речак
„Кога се вратив во Вашингтон, никој не ме праша за Речак. 24 години подоцна сè, уште не ме прашале. Ниту Стејт департментот ниту Белата куќа. Бев блиску до пензија. Медлин Олбрајт тогаш ми кажа: Ако правиш добро дело во Косово, не грижи се, ќе ти најдеме добро место за да ја завршиш кариерата на пријатна задача. Наместо тоа, се пензионирав два месеци подоцна.“, вели меѓу другото поранешниот амбасадор на ОБСЕ за Косово, Вилијам Вокер, во интервју за ТВ Клан.
НИСТОРИ- Албански јазик/ Голем број институции не го почитуваат законот за јазици
„Државниот инспекторат за спроведување на Законот за употреба на јазиците има само 6 лиценцирани инспектори, а нема ниту едно одобрение за вработување во 2023 година. Досега инспекциски надзор е извршен во 120 институции, но иако се констатирани пропусти ,нема ниту една санкција. Како што информираат од Инспекторатот, институциите бараат одложување на рокот оправдувајќи го големиот обем на работа и малиот број на преведувачи.“, пишува во анализата на порталот Нистори.
ПАНОРАМА: Албанија, каде што апсурдот е реалност
„Доколку, (да го кажеме фаталниот збор )- Албанија умре, тогаш можеме без клевета да ги напишеме овие зборови на нејзиниот надгробен споменик: Ја подигнаа идеалисти, се спасија случајно, ја убија политичарите…!“. Коница, кој несомнено остана во ќор-сокакот на политиката, па дури и грд, лојално служејќи му на монархот, кој толку многу го анатемисуваше, често го велеше ова во негово време.“, извадок од колумната „Албанија, каде што апсурдот е реалност“, од Бен Андони, објавена во албанскиот медиум Панорама.
ЕПОКА Е РЕ: Тузи е најпосебниот случај во сите наши етнички предели
„Албанците планинци низ историјата биле доминантно население, ако не и апсолутно мнозинство во тие простори. Но, денес имаме поинаква демографска карта. Локалните планинци се популација на жртви, создадена од зголемувањето на бројот на странци, неалбанци.
Ако постои некој албански политички елемент кој не е повреден од оваа реалност, тогаш имаме работа со феноменот на предавство.“, извадок од анализата на Ѓоке Гојчај „Тузи е најпосебниот случај во сите наши етнички предели“, објавена во медиумот Епока е Ре.
Д. Тахири / ЦИВИЛ Медиа
