Генералниот секретар на НАТО Јенс Столтенберг призна дека постојното западно снабдување со муниција „не е одржливо“ на сегашното ниво бидејќи „потрошувачката е многу поголема“.
Во денешното интервју за Скај Њуз, Столтенберг рече дека верува дека конфликтот сега станува „борба за логистика“, така што сојузниците на Украина мора да го зголемат производството.
– Единствениот начин да ја одржиме нашата поддршка за Украина е да го направиме она што сакаме да го направиме сега, а тоа е да се вклучиме во одбранбената индустрија за да се осигураме дека сојузниците потпишуваат долгорочни договори, додаде тој.
Тој повтори дека НАТО ќе стои покрај Украина „сè додека е потребно“.
– Не можеме да дозволиме Путин да победи во Украина – тоа ќе биде трагедија за Украинците, но ќе биде опасно за нас, продолжи тој.
Столтенберг се осврна и на прашањето дали на Украина ќе и биде дозволено да се приклучи на одбранбениот воен сојуз.
– Позицијата на НАТО е непроменета. Украина ќе стане членка на НАТО, но сега главниот фокус е да се осигура дека Украина може да преовладува како суверена, независна нација во Европа, заклучи генералниот секретар на НАТО
