Денот на вљубените во 2046 година би можел да биде посебно интересен, ако се има во предвид Ризичната листа која ја менаџира Центарот за координација на објекти блиску до Земјата на Европската вселенска агенција (NEOCC). Новооткриениот астероид 2023DW има мали шанси (1-на-625 шанси) да се судри со Земјата, но тие постојат и не смеат да се занемарат, велат астрономите.
Иако шансата 1 на 625 не изгледа веројатна да се случи директен импакт, астрономите сметаат дека е релативно висок ризик од удар. Астрономите веруваат дека астероидот е со големина на олимписки базен, долг приближно 50 метри (164 стапки). Ако астероид со таква големина се судри со Земјата, би предизвикал одредена штета.
Orbit analysts will continue to monitor asteroid 2023 DW and update predictions as more data comes in. Explore this asteroid and others: https://t.co/vXY8HDjycJ (2/2)
— NASA Asteroid Watch (@AsteroidWatch) March 7, 2023
Најновите податоци во живо, околу тоа колку е во моментов оддалечен астероидот, која му е големината и формата… може да ги следите преку NASA – EYES ON ASTEROIDS, на следниот линк.
Сепак, апсолутно точната форма и големина на астероидот е непозната, а со оглед на тоа што евентуалниот датум на удар е толку далеку, веројатно е дека подобри пресметки на неговата орбита би можеле да предвидат дека астероидот би поминал блиску до Земјата наместо да удри во неа. Сепак, добро е да се знае дека астрономите ги набљудуваат овие работи, особено со астероидите кои убиваат планети, способни да се судрат со Земјата и да ја уништат.
Можноста неговата орбита да биде подобро пресметана е многу голема велат од НАСА. Во текот на првите неколку недели откако научниците ќе откријат нов објект, се вршат пресметки и набљудувања за да помогнат во добивање битни информации за објектот. Во овој случај, научниците работат на тоа да утврдат колку е голем астероидот, дали неговата орбита ќе предизвика тој да се судри со Земјата или дали безбедно ќе помине покрај нас.
Често може да потрае неколку недели за да се соберат целосните податоци. И, дури и тогаш, веројатно е дека дополнителните набљудувања ќе дадат повеќе податоци. Во случајот со 2023DW, астероидот не е доволно голем за да се судри со Земјата и да предизвика катастрофални штети. Ако беше така, НАСА или други агенции би можеле да користат системи како што е вселенското летало DART за малку да ја сменат орбитата на астероидот, спречувајќи го да се судри со Земјата.
Подготви: Ј. Ѓ.
